US Democrats Hruaitu Hna Nih Trump Kongah Special Counsel Robert Mueller Bia An Hal Mi Cu A Hnawl Piak Hna

American President Donald Trump le Russia ram karlak thil kongah Special Counsel Robert Mueller nih zei thil hmanh Trump nih a tuah sual mi ka hmu lo,Trump hi sualphawt nak ding zei hmanh a um loh tiah a chim dih hnu inDemocrats hruaitu hna le Senator le House Judiciary Committee hruaitu pawl hna nih cun Washington khuapi chung Capitol Hill ah bianhalnak an tuah t’han cang.asinain Counsel Robert Mueller nih cun Trump le Russia ram karlak kongah Republicans hruaitu hna le Democrats hruaitu hna le Senator pawl hna hmaika ah felfai tein fianternak ka rak tuah cang caah a herh lo mi chim t’han ka tim ti lo tiah a chim.

Special Counsel Robert Mueller photo.

Democrats hruaitu hna le Senator cheukhat hna nih cun Trump le Russia ram kongah Counsel Robert Mueller nih fianternak a rak tuah mi chungin page number 445 nak cu a dih lak in a thar te bakl in fianternak tuah t’han seh ti an duh.cun,Counsel Robert Mueller nih Trump kongah fianternak a rak tuahmi page number 445nak zawn ah hin a fianglo mi thil tampi a um tiah an puh.House Speaker Nancy Pelosi nih cun Counsel Robert Mueller nih Trump kongah fianter nak a rak tuah mi hna chungin page number 445nak chung lawng theih kan duhmi a si tiah a Cafang pakhat hnu pakhat in fianternak a tuah awk a si tiah a chim.

 

Cun, Special Counsel Robert Mueller nih Trump le Russia kongah hi tibantuk in fianternak a tuah t’han mi hi kum 2 a luan hnu ah a voi khat nak a si tiah an chim.Counsel Robert Mueller nih cun mipi hna hmai ah statements a tuahmi cu thang ngai in a Cafang pakhat hnu pakhat in a rel piak hna i a rel dih bak in mah tibantuk in Democrats nih thangpi in au nan duh caah a si tiah a chim.asinain Democrats pawl hna nih an duh mi taktak hna cu a chim dih lo tiah an chim.House Judiciary Committee chairman Rep. Jerrold Nadler nih cun Robert Mueller cu bia a hal i President Trump nih zei sualnak hmanh a tuah lo tiah na chim ngam maw? tiah a hal.Robert Mueller nih cun chim ngam hlah tiah a leh.

House Judiciary Committee Chairman Jerrold Nadle and Speaker Nancy Pelosi photo.

Cun,House Judiciary Committee hruaitu Rep. Doug Collins nih cun Trump kongah theih kan duhmi taktak cu zei hmanh a chim duhlo caah a chim chungmi vial cun Counsel Robert Mueller cu a thiang bak i sual phawt awk zei hmanh a um lo tiah a chim.cu pin ah Committee chairman Rep. Jerrold Nadler zong nih Mueller cu mipi hna hmai ah a thiang bak tiah a chim ve fawn.asinain Trump dohtu Republicans Senator hna nih cun Counsel Robert Mueller nih a tu ah tehte evidence a ken mi hna hi a tlinglo caah biahalnak kan tuah ning hi phundang in biahalnak kan tuah t’han awk a si tiah an chim.

 

Special Counsel Robert Mueller nih cun Trump le Russia ram konghe pehtlai in dothlatnak ka tuah mi chungah cun Trump sual nak zei hmanh kan hmu lo tiah a chim i,a hlei in bia a chim mi pakhat hmanh a um lo.cu hlan ah a rak chim tawn mi ning tein a leh peng hna tiah an chim.cun, hi konghe pehtlai in President Trump nih White House in biachim nak kan ngei te lai tiah a chim.

Source: AF