Zeidah A Lawh Lai: Trump Nih Iran Cu Hmai Tonh Ton Biaruahnak Nei Dingin A Sawm Ko Cang

American President Donald Trump nih Iran foreign minister Mohammad Javad Zarif cu hmai tonh ton biaruahnak ngei dingin a sawm taktak ko cang. Senator Rand Paul nih cun July 15 ah khan Iran foreign minister Mohammad Javad Zarif cu American ram chung bak US le Iran ram konghe pehtlai in ton biaruahnak a rak neih pi cang.

Cun,Senator Rand Paul nih cun Iran foreign minister Mohammad Javad Zarif cu Iran le US ram thil um tu ning kongah “White House”ah hmai tonh ton biaruahnak neih dingin a rak sawm.asinain Iran foreign minister Mohammad Javad Zarif nih cun American ram le Iran ram kongah White House ah ton biaruahnak ngeih cu thil si kho lo mi a si tiah a hnawl piak hna tiah an chim.

Senator Rand Paul photo.

Hi konghe pehtlai in Iran foreign ministry biaphuangtu Ali Rabiei nih cun American nih Iran cu hmai tonh ton biaruah nak a sawm i Iran nih a rak hnawl piak hna caah American president Trump nih Iran foreign minister Mohammad Javad Zarif cu a thil ngeihmi vialte hna le a mah hrimhrim cawl cang khoti lo dingin hremnak an pek mi hi a si tiah a chim.

 

CunIran foreign ministry biaphuangtu Ali Rabiei nih a chim chap mi cu,American nih Iran foreign minister Mohammad¬† cungah hi thil a tuah mi nih hin White House ah rian t’uantu hna an karlak ah ningcang lo in rian a t’uan mi tampi an um ti nak a si.zeicatiah cun White House nih zulphung a sermi chungah minung pumpak thil kongah ram khar le ram khat karlak buaibainak tiangin White House nih a tawl rel awk a si lai lo ti a um.asinain a tu cu ram khat le ram khat karlak thil kongah pumpak cungah hrem nak an tuah hi a si tiah a chim.

Source: BBC